ប្រទេសអាឡឺម៉ង់៖ អធិការបតីអាល្លឺម៉ង់ Olaf Scholz នៅថ្ងៃសៅរ៍ (២១ ធ្នូ) បានទៅមើលទីតាំងនៃកន្លែងកេីតហេតុ​ ដែលបានបង្កឡេីងដោយរថយន្តបុករះ​ បានធ្វេីឱ្យមនុស្សស្លាប់នៅលើទីផ្សារមួយកន្លែង​ ក្នុងពិធីបុណ្យណូអែលដែលបានបង្កឱ្យមានការការភ្ញាក់ផ្អើលដល់អ្នកចូលរួម​ក្នុងពិធីនេះ ក្នុង​មនុស្សជាច្រេីនបានចូល​រួមគោរពឧទ្ទិសដល់វិញ្ញាណក្ខន្ធជនរងគ្រោះ​ ដែលបាន​ស្លាប់​ដោយសារ​ហេតុការ​បុករះខាងលេីនេះ។

ប៉ូលីសបានចាប់ខ្លួនវេជ្ជបណ្ឌិតផ្នែកវិកលចរិតជនជាតិអារ៉ាប៊ីសាអូឌីតអាយុ ៥០ ឆ្នាំនៅកន្លែងកើតហេតុដែលបានបង្កឱ្យមានមនុស្ស ៥ នាក់បានស្លាប់និងជាង ២០០ នាក់បានរងរបួសនៅពេលដែលរថយន្តម៉ាក​ SUV មួយគ្រឿងបានបើកឆ្លងកាត់ហ្វូងមនុស្សដែលមានពិធីបុណ្យណូអែលកាលពីយប់ថ្ងៃសុក្រ​ម្សិលមិញនេះ។

លោក​ Scholz លោកបានស្លៀកពាក់ខ្មៅ​ ដោយនាំ​ក្រុមការងារចូលរួមក្នុង​ពិធីកាន់ទុក្ខ​ ក្នុងនោះអ្នកនយោបាយជាតិ និងតំបន់ និងព័ត៌មានកំពុងបន្តស្វែងរកលម្អិតអំពីសុវត្ថិភាពនៅក្នុងទីក្រុង Magdeburg ភាគខាងកើត ជាកន្លែងដែលពួកគេបានដាក់ផ្កានៅខាងក្រៅព្រះវិហារធំ​ ក្រោយ​មាន​ហេតុការណ៍នេះកេីតឡេីង។